Transcription
1
Monsieur, le sieur de Parys menvoyat yert homme exprès pour madvertyr quil ha sentu de monsieur du Poyet,
2
Seilla et aultres huguenotz ces voysins, comme ilz mènent quelque entreprinse dans la tour et ville de Crest
3
laquelle ilz doyvent executer sur la fin de la trefve, et quilz ont aussi intelligence dans Estoyle, dont
4
promptement jay despeché audit Crest affin quilz ouvrent loeuil et qu’à toutz evenementz en donnent advis
5
à ceus d’Estoyle. Le sire Manuel, notre sergent maiour, vous supplie de lavoyr en recommandation. Je vous
6
puis asseurer quil merite gratification veu le soing et vigillance quil rent à sa charge, aussi ne la
7
pourroit il plus exercer sil nest deschargé de la tutelle de lheritier du feu sire Jean Fages. Je salue
8
voz bonnes graces par mes très humbles recommandations, priant Notre Seigneur vous donner
9
monsieur, en très bonne sancté, longue et hereuse vye. Au Mon[telim]ar, ce Ve febvrier. Voycy la deuziesme que la
10
marée nous ha manquée. Ma femme eust yert ung accès de fiebvre bien fascheus
11
Vostre très humble filz et très hobeissant serviteur
12
à jamays
13
Hourche